Халықты дәрі-дәрмекпен қамтамасыз ету жүйесін жетілдіру және ақпараттың қолжетімділігін арттыру мақсатында Абай облысында «СК-Фармация» ЖШС әзірлеген Telegram және WhatsApp платформаларындағы заманауи цифрлық сервистер іске қосылды.

Жаңа чат-боттар облыс тұрғындарына дәрі-дәрмекпен қамтамасыз ету мәселелері бойынша қажетті ақпаратты онлайн форматта жедел алуға мүмкіндік береді.

Чат-боттардың көмегімен тұрғындар:

• дәрілік препараттардың қолжетімділігін тексере алады;
• рецептік тағайындаулар туралы ақпарат ала алады;
• мемлекеттік денсаулық сақтау жүйесі аясында тегін берілетін дәрілік заттардың тізімімен таныса алады;
• Байланыс орталығына өтініш жолдай алады;
• сервисті тәулік бойы (24/7) пайдалана алады;
• ақпаратты қазақ және орыс тілдерінде ала алады.

Цифрлық сервистерді пайдалану дәрі-дәрмекпен қамтамасыз ету жүйесінің ашықтығын арттыруға, қажетті ақпаратты іздеуге кететін уақытты қысқартуға және пациенттерге көрсетілетін қызмет сапасын жақсартуға ықпал етеді.

Қызметті пайдалану үшін QR-код арқылы өту немесе Telegram және WhatsApp желілеріндегі чат-боттарды пайдалану жеткілікті.

Байланыс ақпараты:

📞 Байланыс орталығы – 1439

📧 E-mail: info@sk-pharmacy.kz

Telegram-бот: @cont_center1_bot

Абай облысының Денсаулық сақтау басқармасы тұрғындарды дәрі-дәрмекпен қамтамасыз ету мәселелері бойынша ақпаратты жедел алу үшін жаңа цифрлық сервистерді белсенді пайдалануға шақырады.